குட்டித்தூக்கம் உடம்புக்கு நல்லது

மதிய வேளையில் சிறிது குட்டித்தூக்கம் போட்டு வேலைத்திறனை அதிகரித்துக்கொள்வதுடன்,மனஅழுத்தத்தையும் குறைத்துக்கொள்ளுங்கள் என ஆராய்ச்சியாளர்கள் கூறூகின்றனர். நீங்கள் பகலில் குட்டித்தூக்கம் போடும் பழக்கம் உள்ளவரா? நண்பகல் நேரத்தில் சிறிதுநேரம் கண்அயர்வது உடலுக்கு நல்லது என்று மாக்ஸ்பிளாங் உளவியல் அமைப்பைச் சேர்ந்த சுல்லே, ஸ்காட் காம்பெல் ஆகிய இருவரும் மதிய தூக்கம் பற்றி கூறுகையில் குட்டித்தூக்கம் நல்லது என்பதுடன் திறமையாக வேலைசெய்யவும் உதவுகிறது என்று தெரிவித்துள்ளனர். அந்த விஞ்ஞானிகள் இதுபற்றி விரிவாக நடத்திய ஆய்வின் பலனாக அவர்களுக்கு ஐரோப்பிய தூக்க ஆராய்ச்சி சங்கத்தின் டபிள் ஆர் ஹெஸ் நினைவு பரிசு கிடைத்துள்ளது. அந்த இரு ஆராய்ச்சியாளர்களும் பாதாள அறையில் பலரை நித்திரைகொள்ளச்செய்து பல ஆண்டுகாளாக ஆய்வு நடத்தியுள்ளனர் பொதுவாக ஓய்வு கட்டத்தில் மனித உடல் வெப்பநிலையானது சற்றுக்குறைகிறது நண்பகல் வாக்கில் உடல் வெப்பநிலை குறைவதாக அவர்கள் கண்டறிந்துள்ளனர். வேறுவிதமாகச் சொல்வதென்றால் மனித உடலின் இயல்பான அமைப்பானது நண்பகல் உணவு வேளையில் சற்று நேரத்தின் பின்னர் தானாக ஒய்வுக்கு தயார் நிலையை அடைகின்றது என்பது அவர்களின் கருத்து. 5:00 மணி காலை முதல் இரவு 9:00 மணிவரை இடைவிடாது வேலைகளில் ஈடுபடுகிறீர்கள் உங்களுக்கான ஓய்வை நீங்களே தீர்மானியுங்கள் இவ்வாறு சிறு ஓய்வு எடுப்பது உங்களுக்கு புத்துணர்ச்சியையும் வேலைகளில் செயல்திறனையும் அதிகரிக்கசெய்யமுடியும்